STUDENT OF THE YEAR 2 : AN HONEST REVIEW - Snaplala

Breaking

11 May 2019

STUDENT OF THE YEAR 2 : AN HONEST REVIEW


Hello everyone kaise hai aap log aaj ke is naye din me hum laye hai apke liye ek nayi post, jaisa ki apko pata hai hum tech news or tech reviews ke alawa entertainment ki duniya mai bhi kam karte hai aur isi ke sath hum leke aye hai apke liye film review Student of the Year 2, yeh film ka 2nd part hai first part release hua tha 2012 me aur usi film se industry me debue kiya the Varun Dhawan, Siddharth Malhotra aur Alia Bhatt ne, Is bar bhi film ka name hi same hai baki purani film se is film ka koi rishta nata nahi hai, is film me aapko nazar ayenge Tiger Shroff, aur industry me dubue kiya hai Anaya pandey aur Tara Sutaria ne in ke sath ek comic role me nazar aye hai india ki youtube sensation Harsh beniwal, jo ki confident aur kafi camera friendly bhi lage hai. Ab bar karte hai film ki, to doston kahani shuru hoti hai Dehradun ke ek college se, aur yeh college  bhi bikul karan johar ke purane colleges jaisa hi hai ekdum colourful aur bohot bada, Aur jaisa sabhi kehte hai yahan padhai ke alawa baki sab hota hai. 

 
                                                
                                                   Film mai Tiger kafi ache dikhai diye hai sath me ananya aur tara donon hi bohot sundar lagi hai, dono ko dekhkar aisa bilkul nahi lagta ki yeh inki pehli film hai. Tiger hamesha ki tarah smart confident aur stylish lage hai, bas ek student lagne me thodi si kami reh gayi, Film ka screenplay thoda sa kamjor mensoos hota hai par is kami ko karan johar ne bade bade sets or colorful environment se bharne ki koshish ki hai aur vo thode se safal hue bhi hai. Film me jo sabse kamal bat lagi hai vo yeh hai ki naye talents ko dekhne ka mauka mila hai Adiya seal ne manav singh randhawa ka kirdar bohot hi bakhoobi se nibhaya hai aur vo kafi kamal bhi lage hai, unhe dekhkar puri student wali feeling aa hi jati hai. Harsh beniwal jo kafi samay se youtube par hai aur unki kafi popularity bhi hai unhe dekhkar kafi maza aata hai chote chote scenes me unki comic timing film ko bacha le jati hai, ek sardar ke role me wo kafi sahi lage hai. Tara aur ananya ke bare me to hum pehle hi bat kar chuke hai.

                                  Bat karte hai film ke direction ki aur thodi si cinematography ki bhi Punit malhotra ka direction thoda kamjor lagta hai cinematography theek hai. Par direction thoda sa relevant ho sakta tha kuch scenes to bohot hi jaldi change hote hai, production me khoob paisa laga hai aur sets bohot hi khoobsurat hai, dehradun aur mussorie ke scenes bhi kafi kamal hai.

            Ab bar karte hai Film ke music ki film ka music diya hai Salim-Sulaiman ne aur songs vishal shekhar ne gaye hai, of course along with other femal artists film ka music young age ke logon ya teenagers ko kafi pasand aya hai, khas kar Hook up song par cinemahall me taliyan aur seetiyan baji hi hongi to music above average hai par purani film ke music se thoda kamjor sunayi padta hai. 

                  Film ki kahani jaroor suni hui si lagti hai aapko dekhkar aisa lagega ki wohi love triangle wahi do ladkon ke beech ladai, par naye chehron ke sath purani kahaniyan bhi nayi ho jati hai to me yeh kahoonga ki aap is film ko jakar ek bar dekh sakte hai, 
              
            To overall me is film ko deta hu : 2.5 💥💥


Aapko humari ye post kaisi lagi? Yadi aapko humari post pasand aayi to ise apne friends ko share kijiye aapke 2 sec aap jaise bahut se friends ki yadi help kae sake to humme bahut khushi hogi.



Aapka yadi koi Question , Problem ya Suggestion  ho to humme Comment Box me btaye...

जय हिंद वंदे मातरम ।।

No comments:

Post a Comment